હજારો વર્ષો પહેલા દરિયામાં ડૂબી ગયેલી કૃષ્ણ નગરી દ્વારિકાના દર્શન સ્વદેશી સબમરીન દ્વારા કરાવવામાં આવશે. જેના માટે ગુજરાત સરકાર દ્વારા બેટ દ્વારકામાં અરબી સમુદ્રમાં સબમરીન ચલાવવાની તૈયારીઓ હાથ ધરવામાં આવી છે, જેનાથી દરિયાની 300 ફૂટ નીચે જઈને દ્વારકા નગરીના દર્શન કરી શકાશે.
સરકાર ધાર્મિક અને સાંસ્કૃતિક પર્યટનને વધારવા માટે ઘણા પ્રોજેક્ટ પર કામ કરી રહી છે. સરકાર દ્વારકા કોરિડોરનો વિકાસ કરી રહી છે. જે અંતર્ગત મૂળ દ્વારકા જોવા સબમરીન પ્રોજેક્ટ લાવી રહી છે. તેમજ જાણવા મળી રહ્યું છે કે, બેટ દ્વારકામાં અરેબિયાનો સૌથી મોટો કેબલ બ્રિજ પણ બનાવવામાં આવી રહ્યો છે જે જનમાષ્ટમી સુધી શરુ થઈ શકે છે.
પ્રાપ્ત જાણકારી મુજબ હજારો વર્ષ પહેલા ભગવાન શ્રી કૃષ્ણની દ્વારકા નગરી જે દરિયામાં ડુબી તેના દર્શન કરવા માટે હવે સબમરીન પ્રૉજેક્ટને શરૂ કરાશે. મૂળ દ્વારકા (બેટ દ્વારકા)ની મુલાકાત લેવા માટે દ્વારકા કોરિડોર હેઠળ સબમરીન પ્રોજેક્ટ લાવવામાં આવી રહ્યો છે. આ માટે અરબી સમુદ્રમાં સૌથી મોટો કેબલ બ્રિજ બેટ દ્વારકામાં જ બનાવવામાં આવી રહ્યો છે. આ સબમરીન પ્રોજેક્ટ આવતા વર્ષે જન્માષ્ટમી અથવા દિવાળી પર શરૂ થઈ શકે છે. આ માટે રાજ્ય સરકારે કેન્દ્ર સરકારની કંપની મઝાગોન ડોક શિપયાર્ડ સાથે એમઓયુ કર્યા છે.
