હવે આઈપીએલ 2024 ફાઈનલમાં લાબો સમય બાકી નથી. ત્યારે માત્ર એક મેચ પ્લેઓફનું સંપૂર્ણ ચિત્ર સ્પષ્ટ કરશે. ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે આ મેચ છે. શનિવારે યોજાનારી આ મેચનું પરિણામ આવતાની સાથે જ પ્લેઓફની ચાર ટીમો નક્કી થઈ જશે. આ મેચને એમએસ ધોની વિરુદ્ધ વિરાટ કોહલી તરીકે પણ ઓળખવામાં આવે છે.
ઈન્ડિયન પ્રીમિયર લીગ 2024 પ્લેઓફ માટે 3 ટીમો નક્કી કરવામાં આવી છે. કોલકાતા નાઈટ રાઈડર્સ અને રાજસ્થાન રોયલ્સે ઘણા સમય પહેલા જ પ્લેઓફમાં પોતપોતાની જગ્યા નિશ્ચિત કરી લીધી હતી. ગુરુવારે, સનરાઇઝર્સ હૈદરાબાદ પ્લેઓફમાં જગ્યા બનાવનારી ત્રીજી ટીમ બની હતી. હવે RCB vs CSK મેચની રાહ જોવાઈ રહી છે. પ્લેઓફના મહત્વને કારણે, વિરાટ અને ધોનીના ઉત્સાહને કારણે તેને સૌથી મોટી મેચ તરીકે જોવામાં આવી રહી છે.
ક્રિકેટ પ્રેમીઓ જાણે છે કે 5 ટીમ પ્લેઓફની રેસમાંથી બહાર છે. બહાર થનારી ટીમોમાં મુંબઈ ઈન્ડિયન્સ, પંજાબ કિંગ્સ, ગુજરાત ટાઇટન્સ, દિલ્હી કેપિટલ્સ અને લખનૌ સુપરજાયન્ટ્સનો સમાવેશ થાય છે. ત્રણ ટીમ પ્લેઓફમાં પહોંચી ગઈ છે. હવે માત્ર ચેન્નાઈ સુપર કિંગ્સ અથવા રોયલ ચેલેન્જર્સ બેંગ્લોર જ ટોપ-4માં જગ્યા બનાવી શકે છે.
ચેન્નાઈ સુપર કિંગ્સ: 13 મેચ, 14 પોઈન્ટ, 0.528 નેટરનરેટ
જો આઈપીએલ નંબરોને આધાર તરીકે લેવામાં આવે તો ચેન્નાઈ સુપર કિંગ્સ પ્લેઓફની નજીક છે. તે માત્ર એક મેચ જીતીને ટોપ-4માં જગ્યા બનાવી શકે છે. જો વરસાદ કે અન્ય કોઈ કારણસર મેચ રદ્દ થાય અને પોઈન્ટ વિભાજિત થાય તો પણ ચેન્નાઈ પ્લેઓફ માટે ક્વોલિફાય થશે.
રોયલ ચેલેન્જર્સ બેંગ્લોર: 13 મેચ, 12 પોઈન્ટ, 0.387 નેટરનરેટ
ચેન્નાઈ સુપર કિંગ્સની સરખામણીમાં રોયલ ચેલેન્જર્સ બેંગ્લોરનો રસ્તો થોડો મુશ્કેલ છે. પ્લેઓફ રમવા માટે તેને માત્ર જીતની જરૂર નથી, પરંતુ મોટી જીતની જરૂર છે. આરસીબીએ ઓછામાં ઓછા 18 રનના માર્જિનથી જીતવું પડશે અથવા 18.1 ઓવરમાં લક્ષ્ય હાંસલ કરવું પડશે. જો RCB આ માર્જિનથી જીતશે તો તે પ્લેઓફ માટે ક્વોલિફાય થઈ જશે. જો વરસાદ પડે અને મેચ રદ્દ થાય તો RCBની આશાઓ પણ ધોવાઈ જશે.
ચેન્નાઈ ક્વોલિફાયર-1માં પણ જગ્યા બનાવી શકે છે
જો ચેન્નાઈ સુપર કિંગ્સ આરસીબીને હરાવશે તો તેના 16 પોઈન્ટ થઈ જશે. આ સાથે તે પોઈન્ટ ટેબલમાં બીજા સ્થાને પહોંચી જશે. કોલકાતા નાઈટ રાઈડર્સ (KKR) પછી ચેન્નાઈનો નેટ રન રેટ સૌથી વધુ છે. આવી સ્થિતિમાં, તે ફક્ત નંબર-2 પર જ લીગ સ્ટેજ પૂરો કરી શકે છે. પરંતુ આવું ત્યારે જ થશે જ્યારે રાજસ્થાન રોયલ્સ અને સનરાઈઝર્સ હૈદરાબાદ તેમની છેલ્લી મેચ હારી જશે.
