IPL 2024 ની ક્વોલિફાયર 2 મેચ સનરાઇઝર્સ હૈદરાબાદ અને રાજસ્થાન રોયલ્સ વચ્ચે રમાશે. આ મેચમાં પાંચ એવા ખેલાડીઓ છે જેઓ પોતાની જોરદાર રમતથી મેચનો માર્ગ બદલી શકે છે. IPL 2024 ની ક્વોલિફાયર 2 મેચ સનરાઇઝર્સ હૈદરાબાદ અને રાજસ્થાન રોયલ્સ વચ્ચે રમાશે. આ મેચમાં પાંચ એવા ખેલાડીઓ છે જેઓ પોતાની જોરદાર રમતથી મેચનો માર્ગ બદલી શકે છે.
આ પાંચ ખેલાડીઓ બદલી શકે છે મેચનો માર્ગ
ચેપોક સ્ટેડિયમ, ચેન્નાઈ ખાતે યોજાનારી IPL 2024 ક્વોલિફાયર 2 મેચમાં જે પાંચ ખેલાડીઓ પર નજર રાખવામાં આવશે તે છે અભિષેક શર્મા, ટ્રેવિસ હેડ, ટી નટરાજન, રેયાન પરાગ, યુઝવેન્દ્ર ચહલ. તો IPL 2024માં આ પાંચ ખેલાડીઓના પ્રદર્શન પર એક નજર કરીએ.
ટી નટરાજનઃ સનરાઇઝર્સ હૈદરાબાદના બોલર ટી નટરાજને પોતાની બોલિંગથી અજાયબી બતાવી છે. IPL 2024ના ક્વોલિફાયર 2 પહેલા નટરાજને 12 મેચ રમી છે. આ 12 મેચોમાં તેણે 9.13ની ઈકોનોમી સાથે 18 વિકેટ ઝડપી છે. તેનો સર્વશ્રેષ્ઠ સ્પેલ 19 રનમાં 4 વિકેટ છે.
અભિષેક શર્માઃ સનરાઈઝર્સ હૈદરાબાદના ઓલરાઉન્ડર અભિષેક શર્માએ પોતાના બેટથી બધાના દિલ જીતી લીધા છે. તેણે IPL 2024ના ક્વોલિફાયર 2 પહેલા 14 મેચ રમી છે. આ 14 મેચોમાં તેણે 2027.05ના સ્ટ્રાઈક રેટથી 470 રન બનાવ્યા છે. જેમાં ત્રણ અડધી સદી સામેલ છે. અભિષેક શર્માએ આ સિઝનમાં અત્યાર સુધીમાં 35 ચોગ્ગા અને 41 છગ્ગા ફટકાર્યા છે.
રિયાન પરાગઃ રાજસ્થાન રોયલ્સના બેટ્સમેન રિયાન પરાગે પણ ઘણા રન બનાવ્યા છે. IPL 2024ના ક્વોલિફાયર 2 પહેલા 14 મેચ રમાઈ છે. આ 14 મેચોમાં તેણે 151.60ના સ્ટ્રાઈક રેટથી 567 રન બનાવ્યા છે. જેમાં 4 અડધી સદીનો પણ સમાવેશ થાય છે. રિયાને આઈપીએલ 2024માં અત્યાર સુધીમાં 40 ચોગ્ગા અને 33 છગ્ગા ફટકાર્યા છે.
યુઝવેન્દ્ર ચહલઃ રાજસ્થાન રોયલ્સના બોલર યુઝવેન્દ્ર ચહલની બોલિંગથી સનરાઈઝર્સ હૈદરાબાદના બેટ્સમેનો પરેશાન થઈ શકે છે. IPL 2024માં ચહલે અત્યાર સુધી 14 મેચ રમી છે. આ 14 મેચોમાં તેણે 9.48ની ઈકોનોમીથી 18 વિકેટ ઝડપી છે.
ટ્રેવિસ હેડઃ સનરાઇઝર્સ હૈદરાબાદના બેટ્સમેન ટ્રેવિસ હેડ IPL 2024માં અત્યાર સુધી 13 મેચ રમી ચૂક્યા છે. આ 13 મેચોમાં તેણે 199.63ના સ્ટ્રાઈક રેટથી 533 રન બનાવ્યા છે. જેમાં પાંચ અડધી સદી અને એક સદી સામેલ છે. ટ્રેવિસે આ સિઝનમાં અત્યાર સુધીમાં 61 ફોર અને 31 સિક્સર ફટકારી છે.
