પ્રાપ્ત જાણકારી પ્રમાણે દિલ્હીવાસીઓ આ દિવસોમાં જળ સંકટનો સામનો કરી રહ્યા છે. વાસ્તવમાં, દિલ્હીમાં પીવાના પાણી માટે સ્પર્ધા ચાલી રહી છે અને યમુનાનું જળ સ્તર ઘટી ગયું છે. તેમજ આવા સમયમાં દિલ્હીના જળ મંત્રી આતિશીએ કેન્દ્રીય મંત્રી ગજેન્દ્ર શેખાવતને પત્ર લખ્યો છે.
દિલ્હીના લોકો થોડા દિવસોથી બે તરફી સમસ્યાઓનો સામનો કરી રહ્યા છે. એક તરફ દિલ્હીમાં આકરી ગરમીએ લોકોને પરેશાન કર્યા છે, જે મોતનું કારણ બની રહ્યું છે. બીજી તરફ દિલ્હીમાં પણ જળસંકટ જોવા મળી રહ્યું છે. તે સમયે દિલ્હીમાં કાળઝાળ ગરમીને કારણે પાણીનો વપરાશ વધી ગયો છે, પરંતુ દિલ્હીના લોકોને યોગ્ય પાણી આપવામાં આવી રહ્યું નથી. આવા સમયમાં પાણીની વધતી જતી સમસ્યાને જોતા દિલ્હીના જળ મંત્રી આતિશીએ કેન્દ્રીય મંત્રી ગજેન્દ્ર શેખાવતને પત્ર લખ્યો છે. તેમજ પત્રમાં આતિશીએ કેન્દ્રીય મંત્રી પાસે માંગ કરી છે કે યમુનામાં વહેલામાં વહેલી તકે પાણી છોડવામાં આવે જેથી યમુનાનું સ્તર સુધારી શકાય.
પત્રમાં આતિશીએ લખ્યું છે કે, હું તમને એ સુનિશ્ચિત કરવા વિનંતી કરી રહ્યી છું કે દિલ્હી માટે પાણીની અમુક જોગવાઈ કરવામાં આવે, પછી તે હરિયાણા હોય કે ઉત્તર પ્રદેશ અથવા કોઈપણ અન્ય રાજ્ય જે પાણી આપવા સક્ષમ હોય.
તેમજ આતિશીએ લખ્યું છે કે સમસ્યાઓનો સામનો ન કરવો પડે, તે જરૂરી છે કે હરિયાણા રાજ્ય તરત જ યમુના નદીનું પાણી 674.5 ફૂટના સામાન્ય સ્તરે છોડે. તેમજ તમને જણાવી દઈએ કે દિલ્હી જળ સંકટનો મામલો હવે સુપ્રીમ કોર્ટમાં પહોંચી ગયો છે.
