પ્રાપ્ત જાણકારી પ્રમાણે દેશમાં આજે લોકસભા ચૂંટણીનો 7મો અને અંતિમ તબક્કો છે. તેમજ 57 સંસદીય ક્ષેત્રોમાં પણ સવારે 7 વાગ્યાથી મતદાન શરૂ થઈ ગયું છે. આ દરમિયાન પીએમ નરેન્દ્ર મોદી, અમિત શાહ અને મલ્લિકાર્જુન ખડગેએ લોકોને વોટ કરવાની અપીલ કરી છે. વડાપ્રધાન નરેન્દ્ર મોદીએ શનિવારે મતદારો, ખાસ કરીને મહિલાઓ અને યુવાનોને લોકસભા ચૂંટણીના અંતિમ તબક્કામાં મોટી સંખ્યામાં મતદાન કરવા વિનંતી કરી હતી.
દેશમાં આજે લોકસભા ચૂંટણીનો 7મો અને અંતિમ તબક્કો છે. 57 સંસદીય ક્ષેત્રોમાં પણ સવારે 7 વાગ્યાથી મતદાન શરૂ થઈ ગયું છે. આ સિવાય કેટલાક રાજ્યોમાં વિધાનસભાની ચૂંટણી પણ છે. આ દરમિયાન પીએમ નરેન્દ્ર મોદી, અમિત શાહ અને મલ્લિકાર્જુન ખડગેએ લોકોને વોટ કરવાની અપીલ કરી છે.
વડાપ્રધાન નરેન્દ્ર મોદીએ શનિવારે મતદારો, ખાસ કરીને મહિલાઓ અને યુવાનોને લોકસભા ચૂંટણીના અંતિમ તબક્કામાં મોટી સંખ્યામાં મતદાન કરવા વિનંતી કરી હતી. તેમજ કેન્દ્રીય ગૃહ પ્રધાન અમિત શાહે પણ ટ્વિટર પર પોસ્ટ કરીને મતદારોને, ખાસ કરીને ઉત્તર પ્રદેશના મતદારોને એવી સરકારને પસંદ કરવા અપીલ કરી છે જે વિકાસના મુદ્દાઓ પર કામ કરે છે.
કોંગ્રેસ અધ્યક્ષ મલ્લિકાર્જુન ખડગેએ પણ મતદારોને ભારત બ્લોકની તરફેણમાં મતદાન કરવાની અપીલ કરી હતી. તેમજ 19 એપ્રિલથી શરૂ થયેલી વિશ્વની સૌથી મોટી વોટિંગ મેરેથોનનો આજે અંત છે અને અત્યાર સુધીમાં છ તબક્કામાં 486 લોકસભા બેઠકો પર મતદાન થઈ ચૂક્યું છે.
ચૂંટણી પંચના જણાવ્યા અનુસાર, લગભગ 5.24 કરોડ પુરૂષ, 4.82 કરોડ મહિલા અને 3574 ત્રીજા લિંગના મતદારો સહિત 10.06 કરોડથી વધુ મતદારો તેમના મતાધિકારનો ઉપયોગ કરશે. પંજાબની તમામ 13 સંસદીય સીટો પર શનિવારે અંતિમ તબક્કાનું મતદાન થઈ રહ્યું છે. અંતિમ તબક્કાના મતદાન માટે કુલ 904 ઉમેદવારો મેદાનમાં છે.
આ તબક્કાના અગ્રણી ઉમેદવારોમાં વડાપ્રધાન નરેન્દ્ર મોદી, ભારતીય જનતા પાર્ટી (BJP)ના નેતા રવિશંકર પ્રસાદ, નિશિકાંત દુબે, રવનીત સિંહ બિટ્ટુ, કોંગ્રેસ નેતા મનીષ તિવારી, ચરણજીત સિંહ ચન્ની, શિરોમણી અકાલી દળના નેતા હરસિમરત કૌર બાદલ, રાષ્ટ્રીય જનતા દળ (RJD)ના નેતા મીસા ભારતીનો સમાવેશ થાય છે.
અભિનેત્રીમાંથી રાજનેતા બનેલી ભાજપની કંગના રનૌત મંડીમાં કોંગ્રેસના ઉમેદવાર વિક્રમાદિત્ય સિંહ સામે ચૂંટણી લડી રહી છે. કેન્દ્રીય મંત્રી અનુરાગ ઠાકુર હમીરપુરથી, અભિનેતામાંથી રાજનેતા બનેલા રવિ કિશન ગોરખપુરથી અને પશ્ચિમ બંગાળના મુખ્યમંત્રી મમતા બેનર્જીના ભત્રીજા અને તૃણમૂલ કોંગ્રેસના ઉમેદવાર અભિષેક બેનર્જી ડાયમંડ હાર્બરથી ચૂંટણી લડી રહ્યા છે.
