IND vs USA: મળતી માહિતી પ્રમાણે T20 વર્લ્ડ કપ 2024 ની 25મી મેચ આજે (12 જૂન) ભારત અને અમેરિકા વચ્ચે રમાશે. ટીમ ઈન્ડિયા કરતા પાકિસ્તાન માટે આ મેચ વધુ મહત્વની રહેશે. ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં રમાનારી મેચમાં પાકિસ્તાન ટીમ ઈન્ડિયાની જીત માટે પ્રાર્થના કરશે.
જોવા જાય તો ભારત અને અમેરિકા ગ્રુપ Aની ટીમ છે. પાકિસ્તાન પણ ગ્રુપ-એમાં છે. તેમજ ટીમ ઈન્ડિયા અને અમેરિકા બંને પ્રારંભિક મેચ જીત્યા બાદ અનુક્રમે નંબર 1 અને 2 પર હાજર છે. આવી સ્થિતિમાં આજે પાકિસ્તાન ઈચ્છશે કે ટીમ ઈન્ડિયા અમેરિકા સામે જીત નોંધાવે, જેથી સુપર-8માં પહોંચવાનો તેમનો રસ્તો ખુલ્લો રહે. પાકિસ્તાને અત્યાર સુધી ત્રણ મેચ રમી છે, જેમાં તેને માત્ર 1માં જ જીત મળી છે.
પાકિસ્તાનના માત્ર 2 પોઈન્ટ છે જ્યારે બીજા ક્રમે અમેરિકાના 4 પોઈન્ટ છે. જો આજે અમેરિકા મોટો અપસેટ ખેંચે છે અને ભારતને હરાવશે તો પાકિસ્તાન ગ્રુપ સ્ટેજમાંથી બહાર થઈ જશે તે નિશ્ચિત છે. કારણ કે ત્યારબાદ અમેરિકાના 6 પોઈન્ટ હશે અને પાકિસ્તાન તેની છેલ્લી લીગ સ્ટેજની મેચમાં આયર્લેન્ડને હરાવીને માત્ર 4 પોઈન્ટ મેળવી શકશે. બીજી તરફ પાકિસ્તાન ટીમનો નેટ રન રેટ પણ ખરાબ છે. તેથી પાકિસ્તાનની ટીમ ઈચ્છશે કે ટીમ ઈન્ડિયા આજની મેચમાં અમેરિકા સામે જીતે.
