દતિયા, મધ્યપ્રદેશ: મધ્યપ્રદેશના દતિયા જિલ્લામાં શુક્રવારે સવારે એક માર્ગ અકસ્માતમાં 5 લોકોના મોત થયા છે અને 15 થી વધુ લોકો ઘાયલ થયા છે. રતનગઢ માતાના મંદિરે પૂજા કરવા જઈ રહેલા ભક્તોની ટ્રેક્ટર ટ્રોલી પલટી ગઈ. ગંભીર રીતે ઘાયલોને ગ્વાલિયર રિફર કરવામાં આવ્યા છે.
મળતી માહિતી મુજબ, દેસવાર ગામના શ્રદ્ધાળુઓ અનેક ટ્રેક્ટર ટ્રોલીઓમાં જવારા ચઢાવવા રતનગઢ માતાના મંદિરે જઈ રહ્યા હતા. જેમાંથી એક ટ્રેક્ટર ટ્રોલી કાબુ બહાર જઈને કલ્વર્ટ પરથી નીચે પડી ગઈ હતી. તેમાં લગભગ 30 લોકો હતા. આ અકસ્માતમાં પાંચ લોકોના મોત થયા છે. મૃતકોમાં ત્રણ યુવતીઓ અને બે મહિલાઓનો સમાવેશ થાય છે. જેમાં એક મહિલા અને તેની બે પુત્રીઓનો સમાવેશ થાય છે. આ અકસ્માતમાં ઘાયલ કેટલાક લોકોની હાલત ગંભીર છે અને તેમને ગ્વાલિયર રિફર કરવામાં આવ્યા છે.
