મળતી માહિતી પ્રમાણે જેડીયુની રાષ્ટ્રીય કાર્યકારિણીની બેઠક આજે સવારે 11 વાગ્યાથી દિલ્હીમાં થઈ રહી છે. જેડીયુના નેતા રાજીવ રંજને જણાવ્યું કે આજે રાષ્ટ્રીય કાર્યકારિણી સમિતિની બેઠક છે અને આ બેઠકમાં સંગઠન અને બિહારના હિત સાથે સંબંધિત નિર્ણયો લેવામાં આવશે. રાજીવ રંજને કહ્યું કે અમે ઈચ્છીએ છીએ કે બિહારમાં રેલ્વે લાઈન સારી હોવી જોઈએ અને ઈન્ફ્રાસ્ટ્રક્ચર સારું હોવું જોઈએ, એટલા માટે જ નીતીશ કુમાર બિહારને સ્પેશિયલ પેકેજ આપવાની ઘણા સમયથી માંગ કરી રહ્યા છે. કહેવામાં આવી રહ્યું છે કે નીતીશ કુમાર આજની બેઠકમાં મોટો નિર્ણય લઈ શકે છે. સંજય ઝાને કાર્યકારી અધ્યક્ષ બનાવવાના પ્રશ્ન પર રાજીવ રંજને કહ્યું કે આ અંગે હજુ કોઈ સત્તાવાર માહિતી નથી, તેથી બેઠકમાં શું થશે તેની માહિતી બેઠક બાદ આપવામાં આવશે.
લોકસભા ચૂંટણી બાદ પહેલીવાર જેડીયુની રાષ્ટ્રીય કાર્યકારિણીની બેઠક દિલ્હીની કોન્સ્ટિટ્યૂશનલ ક્લબમાં થઈ રહી છે. બિહારના સીએમ નીતિશ કુમાર આ બેઠકની અધ્યક્ષતા કરશે. આ માટે તેઓ શુક્રવારે બપોરે જ દિલ્હી પહોંચી ગયા છે. પાર્ટીના તમામ કેન્દ્રીય મંત્રીઓ, બિહાર સરકારના મંત્રીઓ, સાંસદો, ધારાસભ્યો અને પ્રદેશ અધ્યક્ષ અને 100થી વધુ કાર્યકારી સભ્યો દિલ્હી પહોંચી ચૂક્યા છે. બેઠક શરૂ થઈ ગઈ છે.
