દિલ્હી દારૂ કૌભાંડ કેસ: મળતી માહિતી પ્રમાણે દિલ્હી દારૂ કૌભાંડ કેસમાં રૂઝ એવન્યુ કોર્ટે સીએમ કેજરીવાલને મોટો ઝટકો આપ્યો છે. અને કોર્ટે કેજરીવાલની જામીન અરજી ફગાવી દીધી છે.
દિલ્હી દારૂ કૌભાંડ કેસમાં સીએમ અરવિંદ કેજરીવાલને રાઉસ એવન્યુ કોર્ટમાંથી મોટો ઝટકો લાગ્યો છે. કોર્ટે મુખ્યમંત્રી અરવિંદ કેજરીવાલની વચગાળાની જામીન અરજી ફગાવી દીધી છે. તેમજ કેજરીવાલે તેમની તબિયતને ટાંકીને સાત દિવસના વચગાળાના જામીન માંગ્યા હતા.
કોર્ટે શું કહ્યું?
આ મામલે કોર્ટે અરજીને ફગાવી દીધી અને કહ્યું કે જેલ પ્રશાસને કેજરીવાલની બીમારી સંબંધિત તપાસ કરવી જોઈએ. આ રીતે કોઈને જામીન નહીં મળે. કેજરીવાલના વચગાળાના જામીનનો વિરોધ કરતા EDએ કહ્યું હતું કે કેજરીવાલ કોર્ટને ગેરમાર્ગે દોરી રહ્યા છે. EDનો આરોપ છે કે સતત પ્રચાર કરી રહેલા કેજરીવાલની તબિયત જ્યારે આત્મસમર્પણ કરવાનો સમય આવ્યો ત્યારે બગડી હતી.
