આધાર કાર્ડ અપડેટ હવે થશે ફ્રી માં, ૧૪ માર્ચ સુધી કરી શકાશે ફ્રી માં ફેરબદલ

UIDAI એ લોકોને તેમના આધાર અપડેટ કરવાની સલાહ આપી રહી છે જેમણે છેલ્લા 10 વર્ષમાં આવું કર્યું નથી. આધાર સંબંધિત છેતરપિંડી રોકવા માટે આવું કરવામાં આવી રહ્યું છે. UIDAIએ તેની વેબસાઈટ પર કહ્યું કે વસ્તી વિષયક માહિતીની સતત ચોકસાઈ માટે કૃપા કરીને તમારું આધાર અપડેટ કરો. જે માહિતી ઓનલાઈન અપડેટ કરી શકાય છે

આધાર કાર્ડ અપડેટને લઈને સરકારે મોટો નિર્ણય લીધો છે. હવે જે લોકો આધાર કાર્ડમાં ફ્રીમાં ફેરફાર કરવા માગે છે તેઓ 14 માર્ચ સુધી કરી શકશે. UIDAI એ માય આધાર પોર્ટલ દ્વારા આધાર વિગતોના મફત અપડેટ માટે ફરીથી સમયમર્યાદા લંબાવી છે.

તમને જણાવી દઈએ કે અગાઉ 14 ડિસેમ્બર છેલ્લી તારીખ નક્કી કરવામાં આવી હતી પણ હવે તે લંબાવી 14 માર્ચ 2024 કરવામાં આવી છે. UIDAI એ 11 ડિસેમ્બર, 2023 ના રોજ ઓફિસ મેમોરેન્ડમ જારી કર્યું છે.

ઓએમ અનુસાર, સામાન્ય લોકો તરફથી સકારાત્મક પ્રતિસાદ જોવા મળી રહ્યો છે, જેના આધારે આ સુવિધાને વધુ 3 મહિના એટલે કે 15 ડિસેમ્બરથી આવતા વર્ષે 14 માર્ચ સુધી લંબાવવાનો નિર્ણય લેવામાં આવ્યો છે.

આ નિર્ણય પછી, myAadhaar પોર્ટલ https://myadhaar.uidai.gov.in/ દ્વારા દસ્તાવેજ અપડેટની સુવિધા 14 માર્ચ સુધી મફત રહેશે. નોંધનીય બાબત એ છે કે આ ફ્રી સુવિધા માત્ર ઓનલાઈન અપડેટ માટે જ ઉપલબ્ધ છે. જો તમે દસ્તાવેજો અપડેટ કરાવવા માટે આધાર કેન્દ્રો પર ભૌતિક રીતે જાઓ છો, તો તમારે 25 રૂપિયાનો ચાર્જ ચૂકવવો પડશે.

UIDAI એ લોકોને તેમના આધાર અપડેટ કરવાની સલાહ આપી રહી છે જેમણે છેલ્લા 10 વર્ષમાં આવું કર્યું નથી. આધાર સંબંધિત છેતરપિંડી રોકવા માટે આવું કરવામાં આવી રહ્યું છે. UIDAIએ તેની વેબસાઈટ પર કહ્યું કે વસ્તી વિષયક માહિતીની સતત ચોકસાઈ માટે કૃપા કરીને તમારું આધાર અપડેટ કરો.

જે માહિતી ઓનલાઈન અપડેટ કરી શકાય છે તેમાં નામ, સરનામું, જન્મ તારીખ, લિંગ, ફોન નંબર અને ઈમેલ આઈડીનો સમાવેશ થાય છે. ફોટો, આઇરિસ અથવા અન્ય બાયોમેટ્રિક માહિતી પણ અપડેટ કરી શકાય છે. આ માટે તમારે શારીરિક રીતે આધાર કેન્દ્રમાં જવું પડશે.